1979-cu ildə Lənkəran şəhərində dünyaya gələn Rəşad Zeynalov 1985-1993 ci illərdə 8-ci sinifə qədər Lənkəran şəhər 3 nömrəli orta məktəbdə təhsil almışdır. 1993-1997-ci illərdə Bakı Özəl Türk liseyində orta təhsilini tamamlamışdır. Daha sonra 1997-ci ildə Azərbaycan Dövlət Tibb Universitetinin Müalicə Profilaktika Fakültəsinə qəbul omuşdur. 2003-cü ildə eyni fakültəni qırmızı diplomla bitirdikdən sonra 2004-cü il aprel ayında keçirilən TUS (Tıpda Uzmanlıq Sınavı) imtahanında yüksək balla İstanbul Mərmərə Universiteti Ortopediya və Travmatologiya kafedrasına daxil olmuşdur. 2009-cu ildə Türkiyədə rezidentura təhsilini başa vuraraq Ortoped-Travmatoloq cərrah ixitsasını almışdır. Rezidentura müddətində 2000-ə yaxın əməliyyatda iştirak etmişdir. Ortopediyanın onurğa,endoprotez, travma, uşaq ortopediyası , idman yaralanmaları, əl və mikrocərrahiyə sahələrinə dərindən yiyələnmişdir. Bu müddət ərzində 50-yə yaxın kurs və konfranslara qatılmışdır.
Rəşad Zeynalov 2009-2011-ci illərdə Mərkəzi Klinika xəstəxanasında çalışmışdır. 2009-cu ildə onun rəhbərliyi ilə Azərbaycanda ilk dəfə qol replantasiyası uğurla həyata keçirilmişdir. Azərbaycana qayıtdıqdan sonra elmi fəaliyyətləri daha da genişləndirmiş, xarici və yerli konfranslarda davamlı yeni elmi məruzələrlə çıxış etmiş, önəmli tibb jurnallarında elmi məqalələri dərc olunmuşdur. Əyripəncəliyin Ponseti metodu ilə müalicəsinə aid kitabı öz ana dilimizə tərcümə etmişdir. Bu kitab sayəsində Azərbaycan ortopedləri əyripəncəliyin müasir metodları ilə tanış olmuş və köhnə yararsız müalicə metodları ortadan qaldırılmışdır. 2010-cu ildə Tibb Üzrə Fəlsəfə Elmləri Doktoru ünvanına layiq görülmüşdür. Dr. R. Zeynalov SİCOT (Dünya Ortopediya və Travmatologiya Cəmiyyəti) , TOTBİD(Türk Ortoped və Travmatologiya Cəmiyyəti) və AZTOA (Azərbaycan Travmatologiya və Orotpediya Assosiasiyası) cəmiyyətlərinin fəal üzvüdür. 2011-2017 illlərdə bəri Baku Medikal Plaza Xəstəxanasında Ortopediya və Travmataloqiya şöbəsinin müdürü vəzifəsində işləmişdir. 2017-ci ildən bəri HB Güven klinikasında Baş həkim vəzifəsində və 2019-cu ildən Hb Güven klinikasının direktoru olaraq fəaliyyət göstərib. Hazırda Ortopediya – Travmataloqiya ixtisası üzrə öz həkimlik fəaliyyətini davam etdirməktədir.
| İxtisas |
| Ortoped-Travmatoloq |
| Dərəcə |
| MD, PhD, Uzman |
| İxtisaslaşdığı sahə |
| Ayaq və Ayaq bilək xəstəlikləri İdman Travmatologiyası və Artroskopik əməliyyatlar Onurğa xəstəlikləri (Vertebralogiya) Uşaq ortopediyası Oynaq xəstəlikləri və Artroplastika (endoprotezləşdirmə) Sümük və yumşaq toxuma şişləri Travmatologiya Əl cərrahiyyəsi və Mikrocərrahiyyə Uşaq Ortopediyası |
İş Təcrübəsi
- 2009-2011: Mərkəzi Klinika xəstəxanası, ortoped-travmatoloq
- 2011-2017: Baku Medikal Plaza, ortopediya və travmataloqiya şöbəsinin müdiri
- 2017-hazırda: HB Guven Klinikası, ortoped-travmataloq
Təhsil
- Mərmərə Universiteti Ortopediya ve Travmatologiya Kafedrası, Tibbdə uzmanlıq (2004 – 2009)
- Azərbaycan Dövlət Tibb Universiteti, Müalicə profilaktika fakültəsi (1997 – 2003)
- Bakü Özəl Türk Litseyi, Baki şəhəri (1993 – 1997)
- Həzi Aslanov adına orta məktəb, Lənkəran şəhəri (1985 – 1993)
Üzvlük
- SİCOT (Dünya Ortopediya və Travmatologiya Cəmiyyəti)
- TOTBİD (Türk Ortoped və Travmatologiya Cəmiyyəti)
- AZTOA (Azərbaycan Travmatologiya və Orotpediya Assosiasiyası) cəmiyyəti