Koksaki virusları əsasən uşaqlarda olsa da, bəzən böyüklərdə də rast gəlinən virus mənşəli infeksiyadır. Xəstəlik ilkin olaraq qrip kimi başlayır: qızdırma, burun axıntısı, boğazda ağrı, halsızlıq və növbəti mərhələdə bədənin müxtəlif yerlərində səpgilər əmələ gəlir. Səpgilər əsasən ağızda, əldə, ayaqda və bədənin digər yerlərində yaranır. Səpgilərinə görə su çiçəyinə bənzəyən bu virus su çiçəyi deyildir. Virus keçicidir, əsasən tənəffüs yolu və yaxın təmas vasitəsiylə ötürülür. Körpələrdə səpgilər yarandıqda valideynlər çox narahat olduqları üçün çox sayda dərman vasitələrindən istifadə edirlər. Amma hər zaman qeyd etdiyimiz kimi virus infeksiyalarının köklü müalicəsi yoxdur. Virus infeksiyası diaqnozu qoyulan xəstəlik üçün heç bir antibiyotik istifadə edilməməlidir. Bu xəstəlik adətən öz-özünə, heç bir müdaxilə olmadan 7-10 gün ərzində keçir. Lakin hər bir xəstəlikdə olduğu kimi bu virusda da ağırlaşmalar ola bilər. Hətta belə bir halda da qətiyyən antibiotik istifadə edilməməlidir. Koksaki virusu üçün yalnız simptomatik müalicə aparıla bilər. Yəni temperaturu yüksəkdirsə, bunu aradan qaldırmaq üçün dərman verilməlidir. Halsızdırsa, dincəlməlidir. Ən mühüm məsələ olaraq çoxlu maye qəbul edilməlidir.
Uzm. Dr. Altay Abdullaoğlu
Pediatr-Neonatoloq
6 replies on “Koksaki virusu”
Menim qizim bu virusa tutulub
Doktor qizim koksaki virusuna yaxalanib sepkiler coxdur ve suluglanib ne edim men cox narahatam
Mənim oglum və bacimin qızı yoluxdu lakin yerli sahə pediatri antibiotik təyin etdi. Bizdə verdik. Hal hazırda 5-ci gundur.2 yasındakı usaqda agız etrafinda ve agiz icinde sepkiler var,8 yasli usaqda bogazda ve eller ayaqlarda sepkiler var.
Salam. Koksaki virusunun bütün viruslar kimi özəl bir müalicəsi yoxdur. Koksaki virusunda antibiotik təyin etmirik. Bu viruslar bəzən problem yaradır, mikrob qoşula bilir və mikrobial infeksiya əlavə olunur. Bu zaman antibiotik təyin edilə bilər. Həkim müayinə edir və əgər bakterial infeksiya qoşulma varsa, o zaman ancaq antibiotik təyin edilə bilər. Əksər hallarda problem yaratmadan keçib getsə də, bəzən bəzi problemlər yarada bilir. Ağızdakı səpgilər və s. onlardan bəziləridir.
Uzman Dr Altay Abdullaoğlu, Pediatr Neonatoloq
Qaşıntıları var , və zelyonka vurduqşBilmirem ne derecede duz etdik.
Salam. Koksaki virusunun bütün viruslar kimi özəl bir müalicəsi yoxdur. Koksaki virusunda antibiotik təyin etmirik. Bu viruslar bəzən problem yaradır, mikrob qoşula bilir və mikrobial infeksiya əlavə olunur. Bu zaman antibiotik təyin edilə bilər. Həkim müayinə edir və əgər bakterial infeksiya qoşulma varsa, o zaman ancaq antibiotik təyin edilə bilər. Əksər hallarda problem yaratmadan keçib getsə də, bəzən bəzi problemlər yarada bilir. Ağızdakı səpgilər və s. onlardan bəziləridir.
Uzman Dr Altay Abdullaoğlu, Pediatr Neonatoloq