COVID-19 peyvəndindən sonra immunitet qazanılması necə yoxlanılır?

İnsan orqanizmində bəzi viruslara qarşı, eləcə də COVID-19 virusuna qarşı daha çox 2 tip anticism əmələ gəlir. Bunlar İmmunoqlobulin G və İmmunoqlobulin M anticisimləridir.

İmmunoqlobulin M anticismi qoruyucu deyildir. Xəstəliyin daha çox 7-10-cu günündən sonra qanda pozitivləşməyə başlayır.

İmmunoqlobulin G anticismi isə xəstəliyin daha çox 14-cü günündən sonra qanda pozitivləşməyə başlayır və biz bunu qoruyucu anticism adlandırırıq. 

Yəni İmmunoqlobulin M anticismi daha çox aktiv fazada aşkarlanır, İmmunoqlobulin G isə xəstəliyin artıq keçirildiyini göstərir.

Beləliklə, COVID-19 virusuna yoluxub sağalan şəxslərdə, həmçinin peyvənd olunduqdan sonra qanda SARS-Cov-2 İmmunoqlobulin G anticismlərin təyini aparıla bilir, pozitiv olur.

Yəni COVID-19 virusuna qarşı peyvənd olunduqdan sonra qanda SARS-Cov-2 İmmunoqlobulin G anticismlərin təyini aparılmalıdır.

Bu testi vermədən öncə ön hazırlıq tələb olunmur. Günün istənilən vaxtı verilə bilər, aclıq tələb olunmur.

Peyvəndin ikinci dozası vurulduqdan sonra, 14 gün keçdikdən sonra, SARS-Cov-2 İmmunoqlobulin G anticismlərin təyini aparıla bilər.

Dr. Dilarə Ələkbərli, Klinik biologiya mütəxəssisi